2017-ci ilin nəticələrinə görə, Azərbaycan dünyanın 58-ci ən güclü ordusuna sahibdir.
Axar.az xəbər verir ki, bu nəticə Qlobal Atəş Gücü şirkətinin hazırladığı reytinq cədvəlində yer alıb. Yeni reytinq cədvəlində Azərbaycan keçən il tutduğu mövqeni dəyişməyib. Bu göstəricisinə görə ölkəmiz Cənubi Qafqazda lider, postsovet məkanı ölkələri arasında beşinci yeri tutub. Belə ki, siyahıda Azərbaycanı Ukrayna (30), Özbəkistan (48), Belarus (49) və Qazaxıstanı (55) qabaqlaya bilib. Qafqazdakı qonşularımızdan olan Gürcüstan 82-ci, Ermənistan isə 93-cü yerdə qərarlaşıb.
Şirkətin reytinq cədvəlində ilk onluqda ABŞ, Rusiya, Çin, Hindistan, Fransa, Britaniya, Yaponiya, Türkiyə, Almaniya və Misir öz yerlərini qoruyub.
Azərbaycanın müttəfiqləri sayılan Pakistan və İsrail 13 və 15-ci, cənub qonşumuz İran isə 21-ci yeri tutub.
