Daxili işlər nazirinin müşaviri Vadim Denisenko bildirib ki, Ukrayna Silahlı Qüvvələri Kiyev yaxınlığında əks hücuma keçərək düşmənin 5 tankını məhv edib. O, bu barədə “Rada” telekanalının efirində bildirib.
“Gecə kifayət qədər çətin keçib, lakin ümumilikdə deyə bilərik ki, Ukrayna ordusu Kiyev yaxınlığında əks hücuma keçib. Beş tankı sıradan çıxarmışıq... Səhər Kiyevdə qərb kənarında artilleriya döyüşləri eşidildi. Biz başa düşürük ki, indi orada döyüşlər gedir. Lakin hələlik daha ətraflı məlumat yoxdur”, - Denisenko bildirib.
