Şərqi Aralıq dənizində 4 ölkə birgə hərbi təlim keçəcək.
Bizimaz.az Axar.az-a istinadən xəbər verir ki, Fransa Müdafiə Nazirliyi məlumat yayıb.
“Fransa, İtaliya, Yunanıstan və Cənubi Kipr Şərqi Aralıq dənizində birgə hərbi təlimə başlayır. Təlimlər 26-28 avqust tarixlərini əhatə edəcək”, - məlumatda bildirilib.
Qeyd edək ki, ötən gün Türkiyə Xarici İşlər naziri Mövlud Çavuşoğlu alman həmkarı Hayko Maasla keçirdiyi brifinqdə Yunanıstana xəbərdarlıq etmişdi. Çavuşoğlu bildirmişdi ki, rəsmi Afina bölgədə təlimlər keçirməklə bağlı açıqlama versə, Türkiyə tərəddüd etmədən nə lazımdırsa, onu da edəcək.
