Azərbaycana səfəri çərçivəsində ABŞ Konqresi Nümayəndələr palatasının Xarici işlər, silahlı qüvvələr və təxsisatlar üzrə komitələri üzvlərinin köməkçilərindən ibarət nümayəndə heyəti hərbi hissələrdən birini ziyarət edib.

Müdafiə Nazirliyindən Publika.az-a verilən məlumata görə, nümayəndə heyəti üçün ölkəmizin beynəlxalq sülhməramlı əməliyyatlarda iştirakına dair brifinq təqdim edilib, Əfqanıstanda və İraqda keçirilən əməliyyatlarda iştirak edən Azərbaycan Ordusunun hərbi qulluqçuları ilə görüş təşkil olunub.

Qonaqlar şəxsi heyətin döyüş və xidməti vəzifələrini yerinə yetirməsi üçün hərbi hissədə yaradılan şəraitlə tanış olublar.

Sonra Müdafiə Nazirliyinin Beynəlxalq Hərbi Əməkdaşlıq İdarəsində nümayəndə heyəti ilə görüş keçirilib. Qonaqlara Azərbaycanla ABŞ arasında ikitərəfli və çoxtərəfli əməkdaşlıq çərçivəsində həyata keçirilən fəaliyyətlər, regional təhlükəsizlik, eləcə də Ermənistanın ölkəmizə qarşı hərbi təcavüzü və onun nəticələri barəsində ətraflı məlumat verilib.

ABŞ donanmasına aid iki döyüş gəmisi Tayvan boğazına keçib.

Publika.az xəbər verir ki, Bu barədə Tayvan Müdafiə Nazirliyi informasia yayıb.

ABŞ donanmasının “Preble” destroyeri və “Walter S. Diehl” donanma neft tankerinin boğazdan keçidi rəsmi Pekində təşviş yaradıb.

ABŞ donanmasının 7-ci alayının komandanı Kayl Doss məsələ ilə bağlı açıqlamasında gəmilərin Tayvan boğazından keçidini ABŞ-ın azad və açıq Hind-Sakit okeana olan bağlılığının göstəricisi kimi qiymətləndirib.

Çin Xarici İşlər Nazirliyi isə yaydığı bəyanatda Tayvan məsələsinin Çin-ABŞ münasibətlərində həssas mövzu olduğunu vurğulayıb.

Əl-Nüsra terror təşkilatı Rusiyanın Suriyadakı “Hmeymim” hərbi hava bazasına hücum edib.