Xəbər lenti

Gecə intihar edən Vüsal ilk maaşını almadan döyüşə getmişdi...
 

Vətən Müharibəsində ağır kəllə-beyin travması xəsarəti alaraq yaddaşını itirən qazi Vüsal Musayev hazırda Goranboy rayonunda dəfn edilir.

 

Bizimaz.az bildirir ki, “Qafqazinfo”nun verdiyi xəbərə görə, 8 yaşından Kəlbəcər rayonunun Zəyli kəndindən köçkün düşən V.Musayev və ailəsi Goranboyun ucqar Börü kəndində yaşayıblar.

Yaxınlarının sözlərinə görə, ötən ilin iyul ayında erməni təxribatı nəticəsində general Polad Həşimov şəhid olduqdan sonra hadisə V.Musayevə psixoloji olaraq ağır təsir edib. Daim özünün məcburi köçkünlük xatirələrini danışaraq bunun qisasını alacağını deyirmiş. Sonda orduya könüllü yazılaraq müddətdən artıq hərbi xidmətçi olmağa qərar verib. Elə yayda da bunun üçün kursa yazılıb və MAXE kursunu bitirəndən bir neçə gün sonra təlimlərə cəlb edilib. Hərbçi kimi ilk maaşını almadan, sentyabrın 27-dən döyüşlərdə iştirak edib.

Hərbi xidmət dövründə Ağdam rayonunun cəbhə zonasında qulluq etdiyi üçün döyüşlərdə həmlə taborunda BTR-lə iştirak edib. İlk 3 gün doğma Kəlbəcəri uğrunda döyüşüb, sentyabrın 30-da isə Talış kəndinə göndərilib. Talış uğrunda döyüşlər zamanı BTR-nin yanında əmr gözləyərkən düşmən minamyotla Vüsal Musayevin hərbi maşınını vurub. Mərminin dalğası Vüsalı bir neçə metr aralıya tullayıb və ayağından qəlpə xəsarətləri alıb. Dalğanın nəticəsində ağır kəllə-beyin travması alan Vüsalda psixoloji problemlər üzə çıxıb.

Vüsal bədənində ağır xəsarətlər olmadığı üçün özünü günahkar bilir, döyüşdən qaçdığını zənn edirmiş. Buna görə də tez-tez yoldaşlarını qoyub gəldiyi üçün həbs ediləcəyindən qorxduğunu deyirmiş. İlk müalicəsindən sonra ona məzuniyyət verilib və evə buraxılıb. Dekabrın 3-də yaşadığı Börü kəndində 22 dərman içərək intihara cəhd edib. Onu dərhal xəstəxanaya çatdırandan sonra həkimlər mədəsini yuyaraq həyatını xilas ediblər. Bundan sonra yaxınları ilə söhbətdə həkimlərin onu öldürmək istədiyini deyirmiş. Vüsal tez-tez vəfat etmiş şəxslərlə söhbət etdiyini yaxınlarına deyərmiş.

O, döyüşə getdiyini və döyüşdüyünü xatırlamasa da, iki azyaşlı övladını və onların adını unutmayıb.

O, bu gecə müalicə olunduğu hospitalın hamamında intihar edib. Yaşadıqları Börü kəndində qəbiristanlıq olmadığı üçün hazırda rayonun Veyisli kəndində dəfn edilir.

Qeyd edək ki, Vüsal Musayev döyüşlərdə göstərdiyi şücaətə görə "Cəsur döyüşçü" medalı ilə təltif edilib.

19 Fevral 2025 Fuad Muradova 6 il 6 ay həbs verildi
27 Dekabr 2024 Plastik cərrahiyyəyə icazə verənlərə cinayət işi açıldı
26 Dekabr 2024 Qazaxıstanlılar dəstək olmağa davam edirlər
23 Noyabr 2024 70 kq qızılla tutulan diplomat bu səfirlikdə işləyir - Bakıya gətirildi
18 Noyabr 2024 Gürcüstan yenə calxalanır
24 Aprel 2024 Sabiq baş pediatr intihardan əvvəl məktub yazıbmış
23 Noyabr 2023 Metronun yaxınlığında ticarət obyekti yanır
12 Noyabr 2023 Üzərinə ağac aşan Saatlı sakininin beli sındı
12 Noyabr 2023 Bakı-Quba yolundakı qəzanın VİDEOSU
15 Oktyabr 2023 Naxçıvanda su kanalından meyit çıxarılıb
24 Sentyabr 2023 Gürcüstanda 4,7 bal gücündə zəlzələ baş verib (YENİLƏNİB)
06 Avqust 2023 Göygöldə birmərtəbəli evdə yanğın olub
01 İyun 2023 DİN: “Bolt” və “Uber” taksi şirkətləri ilə bağlı daxil olan müraciətlərin sayı çoxalıb”
15 Dekabr 2022 Bakı-Quba yolunda dəhşət - Ölənlərin sayı 6-ya çatdı - FOTO
17 Noyabr 2022 Ötən gün baş vermiş partlayışdan geriyə qalanlar... - Fotolar - Video
17 Oktyabr 2022 Vətən müharibəsində ermənilər 29 100 mərmi və 227 raket atıb
05 Sentyabr 2022 Kənd yasda - 7 qadın dəfn edilir
24 Avqust 2022 Oğuzda dağlıq ərazidə yanğın başladı
19 Avqust 2022 Azərbaycan Ordusunun polkovnik-leytenantı vəfat etdi - FOTO
04 Avqust 2022 FHN-dən Xırdalandakı partlayışla bağlı YENİ AÇIQLAMA
© 2017 www.bizimaz.az - Bütün hüquqlar qorunur.
Saytda yerləşdirilmiş hər bir materiala olan hüquqlar Azərbaycan Respublikasının qanunvericiliyinə, həmçinin müəlliflik hüququ qanunlarına əsasən qorunur.
Müəlliflərin mövqeyi redaksiyanın mövqeyi ilə uyğun gəlməyə bilər. Saytdakı materiallardan istifadə zamanı istinad zəruridir.
Ünvan: Bakı AZ 1073 Mətbuat prospekti, 529-cu məhəllə, "AZƏRBAYCAN" nəşriyyatı, 2-ci mərtəbə, 44-cü otaq
Tel:(+944 12) 510 24 66; Mob:(+994 50) 346 25 52;
Təsisçi: Z.Vəliyev
Baş redaktor: Asif (Talıboğlu) Şükürov