Xəbər verdiyimiz kimi, bu gün Prezident İlham Əliyevin sərəncamı ilə Ənvər Seyidəliyev Ağsu Rayon İcra Hakimiyyətinin başçısı vəzifəsindən azad edilib. Onun yeni təyinatı ilə bağlı heç bir sərəncam yoxdur.
Bizimaz.az: Axar.az xəbər verir ki, Ənvər Qasım oğlu Seyidəliyev 1950-ci ildə Ağsu rayonunun Pirhəsənli kəndində anadan olub. 1975-ci ildə Azərbaycan Politexnik İnistitutunu bitirib, 1975-1976-cı illərdə hərbi xidmət keçib.
1977-1983-cü illərdə Ağsu rayonunda müxtəlif vəzifələrdə çalışıb.
1983-1985-ci illərdə Bakı Ali Partiya Məktəbinin dinləyicisi olub.
1985-1989-cu illərdə Ağsu rayon Partiya Komitəsində təlimatıçı, 1989-2003-cü illərdə Ağsu rayon Maddi-Texniki Təchizat və Mexanikləşdirmə İstehsalat Birliyinin müdiri, 2003-2007-ci illərdə Nəqliyyat Nazirliyi “Azəryolservis” ASC-də idarə rəisi vəzifələrində işləyib.
18 dekabr 2007-ci ildən Ağsu Rayon İcra Hakimiyyətinin başçısı vəzifəsində çalışırdı.
Yeni Azərbaycan Partiyasının üzvüdür.
Ailəlidir, bir oğlu, üç nəvəsi var.
