Mətbuat Şurasının sədri, millət vəkili Əflatun Amaşov Rusiyadan Azərbaycana deportasiya olunmuş jurnalist Fuad Abbasovla görüşüb.
Bu barədə şura sədrinin özü məlumat verib.
O, görüşdə jurnalistin gələcək fəaliyyəti və digər məsələlər haqda danışdığını deyib:
“Rusiyadan öz ölkəsinə deportasiya olunan Fuad Abbasovla Mətbuat Şurasında görüşdük. O, başına gələnləri danışdı, ağır gunlərində onu tək buraxmayan Azərbaycan dövlətinə və Mətbuat Şurasına öz minnətdarlığını bildirdi. Fuadla gələcək planlarını da birlikdə müzakirə etdik.
İnanıram ki, haqq öz yerini tapacaq və tanınmış jurnalist indiyədək edə bilmədiklərini özünün “Misra” TV internet telekanalında gerçəkləşdirəcək. (teleqraf.com)
