Azərbaycan
Dövlət Sığorta Kommersiya Şirkətinin (“Azərsığorta”) 4 filialının direktoru dəyişib.
“Report” şirkətə istinadən xəbər verir ki, Biləsuvar filialının direktoru Elçin Heydərovu Qabil Bağırov, Cəlilabad filialının direktoru Əvəz Xanəliyevi Lətif Ağayev, Kürdəmir filialının direktoru Mətləb Kərimovu Elmin Ağayev, Siyəzən filialının direktoru Sənan Ağayevi isə Rəşad Nuriyev əvəz edib.
“Yeni təyinatlar müxtəlif səbəblərdən baş tutub. Keçmiş filial direktorlarının arasında pensiya yaşı çatan, xəstəliyi ilə əlaqədar könüllü ərizə yazan, başqa işə keçən adamlar var”, - deyə “Azərsığorta”dan bildirilib.
