Belarusda prezident seçkiləri ilə bağlı səsvermə başa catıb.
BELTA-ya istinadən xəbər verir ki, səsvermə yerli vaxtla saat 8:00-da (Bakı vaxtı ilə 09.00) başlayıb.
6,9 milyon Belarus seçicisi 5 325 seçki məntəqəsində səs verə biləcək ki, onlardan 207-si xəstəxana, sanatoriya, istirahət evləri və digər müvəqqəti yaşayış yerlərində, 12-si isə hərbi hissələrdə təşkil olunub.
Seçkilərdə prezidentliyə 5 namizəd mübarizə aparıb. Bunlar Belarusun hazırkı Prezidenti Aleksandr Lukaşenko, Anna Kanopatskaya, Oleq Qaydukeviç, Sergey Sırankov və Aleksandr Xijnyakdır.
Səsvermə yerli vaxtla saat 20:00-da başa çatıb.
***
Belarus MSK-nın məlumatına görə, ilkin nəticələrə əsasən, Lukaşenko səslərin 86,82 faizini toplayaraq seçkidə qalib gəlib.
Bununla belə, Oleq Qaydukeçiv 2,02 faiz, Anna Kanopatskaya 1,86 faiz, Sergey Sırankov 3,21 faiz, Aleksandr Xijnyak isə 1,74 faiz səs toplayıb.
Qeyd edək ki, Belarusda seçkilərin yekun nəticələri 10 gün ərzində, fevralın 5-dən gec olmayaraq açıqlanacaq.
