Almaniya kansleri Angela Merkel bir müddət əvvəl rəsmi mərasimlərdə əsməcə tutmalarını şərh edib.
Bizimaz.az Axar.az-a istinadən xəbər verir ki, jurnalistlərin suallarını cavablandıran kansler hazırda özünü hazırda yaxşı hiss etdiyini bildirib.
“Əminəm ki, bu əsməcələr öz-özünə yarandığı kimi, elə öz-özünə də keçəcək. Hər şey qaydasındadır”, - deyə Merkel qeyd edib.
Xatırladaq ki, iyunun 18-də Ukrayna Prezidenti Vladimir Zelenski ilə görüşdə Merkeli əsməcə tutub. Həmin vaxt kansler bunu halsızlıqla əlaqələndirmişdi.
Daha bir əsməcə tutması ilə bir müddət əvvəl Almaniya Prezidenti Frank-Valter Ştaynmayerlə görüşdə baş vermişdi. Görüş zamanı Merkel qəfildən titrəməyə başlamışdı.
