İlk dəfə olaraq Moskva hava limanlarında və aviaşirkətlərində terror hücumları təhlükəsinin maksimum, üçüncü səviyyəsi tətbiq edilib.

Bizimaz.az  Rusiya KİV-ə istinadən xəbər verir ki, artıq bu barədə daşıyıcılar və hava limanları xəbərdar edilib.

Məlumata görə, yüksək riskli rejim Sankt-Peterburq hava limanında da tətbiq edilib.

Səlahiyyətli şəxslər sərnişinləri buraxılış məntəqələrində mümkün növbələrə hazır olmaq barədə xəbərdarlıq ediblər. Onlar uçuşa gecikməmək üçün əvvəlcədən hava limanlarına çatmağı məsləhət görüblər.