Kaliforniyada meşə yanğınları 19-cu əsrin ortalarında “qızıl həyəcanı” zamanı qurulan Grinvill şəhərini məhv edib.

Bu barədə KXTV kanalı məlumat yayıb.

Yerli sakinlərin dediyinə görə, "Diksi" adlandırılan yanğın şəhəri cəmi iki saat ərzində külə çevirib.

Sosial şəbəkələrdə şəhərdən geriyə praktiki olaraq heç bir şeyin qalmadığını göstərən görüntülər yayılıb.

Şəhərdə yüz ildən çox yaşı olan binalar var idi.

Qeyd edək ki, Kaliforniyada tüğyan edən “Diksi” 278 min akr (112,5 min hektardan çox) ərazini əhatə edib. İndiyə qədər yanğınsöndürənlər ərazinin 35 faizində yanğının öhdəsindən gələ bilib.