Bizimaz.az: Tramp noyabrda Konqressə keçiriləcək aralıq seçkilərlə bağlı Tennessi ştatında Respublikaçılar partiyasının təşviqat kampaniyasındakı çıxışı zamanı demokratların immiqrasiya və ABŞ sərhədlərinin təhlükəsizliyi məsələsindəki mövqeyini sərt tənqid edib.

“Konqressdəki radikal demokratlar bizim əldə etdiyimiz bütün nailiyyətləri silmək istəyirlər. Onlar güclü ordu və sərhədlərin qorunmasını istəmirlər. Demokratlar hətta cinayətkarlığın əleyhinə də deyillər. Onlar sizin küçələrinizi əcnəbi cinayətkarlarla doldurmağa hazırlaşırlar və ABŞ-ı Venesuelaya çevirmək istəyirlər. Amma biz buna imkan verməyəcəyik”, – deyə Tramp vurğulayıb.