bizimaz.az bu barədə o, Kvebekin Montreal şəhərindəki Papineo seçki dairəsindən olan əhalinin qarşısında çıxışı zamanı bildirib. Baş nazirin çıxışı onun “Facebook” sosial şəbəkəsindəki səhifəsində canlı yayımlanıb. 

Trüdo bəyan edib ki, 10 il əvvəl də Papineodan və buranın insanları üçün siyasətə qatılıb. İndi də bu yolu davam etdirərək, parlament seçkilərinə namizədliyini irəli sürdüyünü açıqlayıb. Baş nazir seçkilərə az vaxt qaldığını xatırladaraq, əhalini Kanadanı ən yaxşı ölkəyə çevirməyə çağırıb. 

Qeyd edək i, Castin Trüdo 2015-ci ilin 4 noyabrından Kanadanın baş naziri vəzifəsini icra edir. O, Kanada tarixində ən cavan ikinci ölkə rəhbəridir və Kanadanın 15-ci baş naziri olmuş Pyer Elliot Trüdonun oğludur.