Koreya Xalq Demokratik Respublikası (KXDR) BMT Təhlükəsizlik Şurasının bu ölkəyə qarşı qəbul etdiyi yeni qətnamələri rədd edib.
KXDR Xarici İşlər Nazirliyinin yaydığı bəyanatda ölkənin müdafiə xarakteri daşıyan nüvə silahı potensialının daha da genişləndiriləcəyi bildirilib.
Qeyd edilib ki, yeni sanksiyalar ölkənin suverenliyinin ciddi şəkildə pozulması, Koreya yarımadasında və bütünlükdə bölgədə sülhün və sabitliyin pozulmasına yönələn müharibə aktıdır.
Şimali Koreyanın xarici siyasət idarəsi sanksiyaların təşəbbüskarı olan
ABŞ-ı ittiham edərək, Birləşmiş Ştatların KXDR-in nüvə dövləti olmasından dəhşətli dərəcədə qorxduğunu bəyan edib.
