Avropa Şurasının Parıament Assambleyasında (AŞPA) Azərbaycana qərəzli yanaşırlar. Bunu 2018-ci ilin yekunları üzrə mətbuat konfransında Rusiya XİN-in başçısı Sergey Lavrov deyib.
“Azərbaycan və Rusiya MDB, BMT, ATƏT və Avropa Şurası strukturlarında pis əməkdaşlıq etmirdilər, sonuncu qurumda isə Azərbaycana qarşı kifayət qədər qərəzli yanaşmağa çalışırlar və hətta AŞPA-dakı azərbaycanlı parlamentarilərin hüquqlarına qarşı ayriseçkilik cəhdləri edilir”, - Lavrov deyib.
Qeyd edək ki, 2018-ci ilin may ayında Parisdə keçirilmiş dinləmələrin yekunlarına görə, AŞPA-nın prosedur qaydalar üzrə komitəsi AŞPA-nın dörd üzvünə qarşı sanksiyalar barədə qərar qəbul edib və həmin üzvlərin adları təşkilatın İradlar və korrupsiya üzrə müstəqil istintaq orqanının hesabatında dərc edilmişdi.
AŞPA-nın prosedur qaydalar üzrə komitəsi qərarına əsasən, sanksiyalar İspaniyadan olan Pedro Aqramunt barəsində 10 il müddətinə, Rumıniyadan olan Sezar Florin Preda, Azərbaycandan olan Səməd Seyidov və İspaniyadan olan Xordi Ksukla barəsində iki il müddətinə tətbiq edilib.
Yuxarıda adı çəkilən şəxslər AŞPA üzvü olaraq qalırlar və çıxış haqları qorunur.
