İranın Qərbi Azərbaycan əyalətində sərhəd patrul helikopteri qəzaya uğrayıb.
Bu barədə “Mehr” agentliyi əyalətin sərhəd xidmətinin rəhbəri Fərdin Piriyə istinadən məlumat yayıb.
Hadisə İran-İraq sərhədi yaxınlığında yerləşən Urmiyada baş verib. İnsidentin təfərrüatı barədə məlumat verilmir.
İlkin məlumata görə, hadisə nəticəsində bir nəfər həyatını itirib, üç nəfər yaralanıb. Şahidlər qəza yerinə onlarla təcili tibbi yardım maşının səfərbər olunduğunu bildirib. Bundan başqa, Urmiya qubernatorunun da ərazidə olduğu bildirilir.
