Azərbaycanın işğal edilmiş ərazilərində ermənilər arasında siyasi qarşıdurma güclənib.
Bizimaz.az xəbər verir ki, Sasna Çrer Partiyası Qarabağın Ermənistana birləşdirilməsi üçün başlatdığı kampaniya çərçivəsində artıq 230 imzanın toplandığını açıqlayıb. Lakin onların bu kampaniyası separatçı rejimin “parlamentində” təmsil olunan üç partiya tərəfindən etirazla qarşılanıb.
Separatçı rejimin “parlamentində” təmsil olunan “Azad Vətən”, “Daşnaksutyun” və “Artsax (Dağlıq Qarabağ - red) demokrat partiyası” imzatoplama kampaniyasına qarşı birgə bəyanatla çıxış ediblər.
“Bəzi siyasi qruplar və ayrı-ayrı şəxslərin son zamanlar fəaliyyəti siyasi nəzakət sərhədini keçir, “bizim xalqımızın” “müstəqil dövlət” yaratmaq əməyinə məhəl qoyulmur”, - deyə bəyanatda bildirilir.
Lakin bəzi ermənilər Sasna Çrerin kampaniyasına açıq dəstək verib. Hazırda Qarabağın Ermənistana birləşdirilməsi, yaxud birləşdirilməməsi ilə bağlı ciddi qarşıdurma yaşanır.
