İŞİD terror qruplaşması Əfqanıstanın paytaxtı Kabildə baş verən terror aktına görə məsuliyyəti öz üzərinə götürüb.
Terrorçu kamikadze ötən gün Əfqanıstanın milli qəhrəmanı Əhməd Şah Məsudun ölümünün ildönümü şərəfinə keçirilən nümayişdə özünü partladıb.
Kabilin polis nümayəndəsinin sözlərinə görə, terrorçu partlayışı törədən zaman motosikletlə hərəkət edib. Nəticədə yeddi nəfər ölüb, 25 nəfər isə yaralanıb.
