İnsan alveri cinayətini törətməkdə təqsirləndirilən 12 (+1) nəfərin İnterpol xətti ilə axtarışı davam etdirilir.
Bu, parlamentin İnsan hüquqları, həmçinin Hüquq siyasəti və dövlət quruculuğu komitələrinin mayın 17-də keçirilən birgə iclasında müzakirəyə çıxarılan İnsan alverinə qarşı mübarizə üzrə milli koordinatorun illik hesabatında öz əksini tapıb.
Hesabatda qeyd olunur ki, beynəlxalq axtarışda olan şəxslərin 9-nun Türkiyədə gizləndiyi ehtimal olunur. Bunlardan 3-nün isə Pakistan, BƏƏ, Rusiyada sığınacaq tapdığı bildirilir.
Azərbaycan tərəfindən həmin şəxslərin gizləndikləri ölkələr və barələrində digər zəruri məlumatlar əldə olunub və tələblərinə uyğun ekstradisiyası üçün aidiyyəti üzrə müraciətlər ünvanlanıb.
