İtaliyanın ən yaşlı məhbusu və Ndrangeta mafiyasının rəhbərlərindən biri olan Françesko Barbaro ölüb.
Bizimaz.az xəbər verir ki, o, Parma xəstəxanasında 92 yaşında vəfat edib.
Qeyd edək ki, Barbaro 1980-c ildə aktiv şəkildə insanların oğurlanmasıyla məşğul olsa da sonradan öz profilini dəyişib. Belə ki, o, beynəlxalq narkotik ticarətinə qoşulub. Barbaro 20 il həbs yatıb və 2013-cü ildə azadlığa çıxmağı bacarıb, lakin bir müddət sonra yenidən həbs edilib.
Ndrangeta 1897-ci ildə yaradılıb. Mafiya 1975-ci ilə qədər İtaliyadan kənarda fəaliyyət göstərməyib. Sonradan o təsirini bütün dünyaya yayıb. Bu mafiya dünyada bilinən bütün növ çirkli fəaliyyətlərdən gəlir əldə edə bilir. 2007-ci ildə mafiyanın illik gəliri 47,5 milyard avro təşkil edib.
