Bu ilin yanvar-may aylarında Ədliyyə Nazirliyinin rayon (şəhər) qeydiyyat şöbələri tərəfindən 47 156 doğulan körpə qeydə alınıb.
Bizimaz.az-n Dövlət Statistika Komitəsindən əldə etdiyi məlumata əsasən, əhalinin hər 1 000 nəfərinə bu göstərici ötən ilin müvafiq dövrü ilə müqayisədə dəyişməyərək eyni səviyyədə (11,4) qalıb.
Doğulanların 53,1 faizi oğlan, 46,9 faizi isə qız uşaqlarıdır. Doğulan körpələrdən 1 180-i əkiz, 30-u isə üçəm olub.
Cari ilin beş ayında ölkə üzrə 31 849 ölüm halı qeydə alınıb və əhalinin hər 1 000 nəfərinə ölüm səviyyəsi 7,7 təşkil edib.
