“Rusiya Ukraynaya hücum edərsə, ABŞ hərbi qulluqçuları bu ölkədə vuruşmayacaqlar”.

“Qafqazinfo” xəbər verir ki, bunu Pentaqonun mətbuat katibi Con Kirbi MSNBC kanalının efirində deyib.

“Prezident Co Bayden aydın şəkildə bildirib ki, ABŞ hərbi qulluqçuları Ukraynada vuruşmayacaqlar”, - deyə C.Kirbi bildirib.

Onun sözlərinə görə, ABŞ qoşunlarının, hətta ABŞ vətəndaşlarının Ukraynadan təxliyəsində də istifadə olunmayacaq, bu, vəziyyəti “yeni səviyyəyə” gətirib çıxara bilər. Amerikalılar ölkəni hərbçilərin köməyi olmadan sərbəst tərk edə bilərlər. Bunun üçün infrastruktur, nəqliyyat və Ukraynadan gedən yollar var.

Con Kirbi qeyd edib ki, Ukrayna ətrafında münaqişəni aradan qaldırmaq imkanları hələ tükənməyib, lakin vaxt getdikcə azalır.