Azərbaycanda iyunun 19-da müşahidə olunacaq hava şəraiti açıqlanıb.

İki həftədir Azərbaycanda narıncı zonaya daxil olan şəhər və rayonlarda vətəndaşların küçəyə çıxma qadağası – sərt karantin rejimi tətbiq olunur. İlk qapanma 6-7 iyun tarixlərini əhatə edib və üzərindən 12 gün keçib. Amma hələ də koronavirusa yoluxma sayında azalma müşahidə edilmir.

Təəssüf ki, kütləvi məsuliyyət hissi tam formalaşmayıb, ictimai nəzarət də həmçinin. İnsanlar sosial məsafə gözləməyə laqeyd yanaşır, polis-vətəndaş qaçdı-tutdusuna təsadüf olunur. İctimai nəqliyyatda – konkret olaraq avtobuslarda maskasızların sayı maskalılardan daha çox müşahidə olunur. Digər qapalı yerlərə maska ilə girmək çoxlarının ağlına gəlmir. İnsanlar növbələrdə distansiya gözləmirlər...

Belədə tətbiq edilən qadağalar effektli olmalıydımı?..

Son günlər xəstəxanaların koronavirusa yoluxmuş xəstələrlə dolması sərt karantin rejiminin tətbiqini gündəmə gətirib. Bəzi şəxslər isə iyunun 20-dən ay sonuna kimi sərt karantin rejiminin tətbiq edilməsini məqbul sayırlar.